هل فعلا لاعبيتنا رجالة وبيقدروا المسئولية؟؟؟موضوع للمشاركة

بسم الله الرحمن الرحيم

اولا وقبل كل شئ

هل لاعبى منتخبنا رجالة ؟؟؟
يعنى هم عارفين ومقدرين المسئولية؟؟

والله من كام يوم شفت تقرير قبل حتى مانروح نلاعب عمان..كان فيه كارثة من الكابتن شحاتة

الراجل قاعد والمفروض انه في معسكر استعدادي لمعركة البليدة..
ولكن شعرت انه يجلس في شارع والصحفيين بيتمشوا حوله والاسئلة المتخلفة..
من اسلوب هو ليه فلان تسريحة شعره مش تمام زي اخر ماتش...

المهم كان هناك سؤال عن ميدو وكان بالامكان ذكر سبب عدم اختياره ولكن بيرد ويقول

انتم عارفين كل حاجة...ياسلام ..يعنى ولاهي طريقة ولا مكان ولا اسلوب رد على سؤال

من مدرب كبير..

المخزى من ذكر ذلك ان هناك مشاكل بين لاعبى منتخبنا ..

ونعود بكارثة الامس..

هل مجرد التعادل في الشوط الاول هو اخر سقف احلامنا؟؟؟؟
يعنى فريق كان مرعوب مننا اول نصف الشوط الاول..

طيب اللاعيبة الرجالة والمدرب الكبير شايفين ان الجزائر مهتز ومتوتر ومرعوب من
وحش افريقيا سنتين واحنا الفراعنة اللي بنينا الهرم ....

يبقى ساعتها المدرب بيكون لازم يزود الدوافع للاعبين لاستغلال هذه الحالة للجزائريين..

ولكن لا طبعا ..حسنى و فتحي وشوقى مفيش ادنى دور هجومي..
يعنى طول مانا دفاعيا تمام خلاص ..كدة خير وبركة

ونسوا ان بطولة افريقيا الماضية .كان حسنى يهاجم ويضغط المنافس..وتذكروا احرز

وسدد كم تسديدة..

فتحى وشوقي ركنوا ورا يعنى كأن مفيش غير تريكة وزيدان وزكي فقط لحظة الهجوم

بجانب بعض الاجتهادات من معوض في الشوط الاول فقط..

والباقي ليس له علاقة بحالة الهجوم اطلاااااااااااااااقا..

بجانب ان شحاته شايف عمرو زكي غير موفق من بداية اللقاء وعصبي ونسى

ان من اهم واجباته التمركز وسط منطقة الجزاء..لكنه كان مهتم بالتحرك يمينا ويسارا..

طيب صبرت عليه ليه وجاي تنزل عبد الملك بعد كارثة الثلاثية ..ياراجل انت لسة فاكر؟؟

المهم انتهى الشوط الاول وهيييييييييه فرحنا اننا اتعادلنا مع منتخب اصلا فرحان انه

خرج متعادل الشوط الاول ..

والان شوط الكوارث..
بين الشوطين المفروض ان المعلم يقول لرجالتنا انكم وحشيتن ولم تستغلوا الفرصة..

ولكن من الواضح ان الرجالة شافوا ان -كدة تمام يارجالة ..وكملوا على كدة الشوط الثانى-..

في المقابل رابح سعدان اللي وصلت انه يبكي قبل اللقاء ماعرفش من ايه؟؟
المهم عايز يوصل لرجاله ان المباراة حياة او موت..
وهذا ماحدث ..

بدأ الشوط الثاني ولاحظوا اني كنت مهتم بالدور الهجومي للاعبي الوسط حسنى

وشوقى ..ولكن ياريتهم كانوا فضلوا وحشين زي الشوط الاول ودافعوا بس....

رقابة مفيش الاطراف لزقت في منطقة الجزاء..الهجوم تريكة وزيدان ممكن نقول

انهم حاولوا..وزكي لسة في عصبيته غير المببرة..وفي وادي تانى..

في المقابل دموع سعدان اتت بثمارها ورسالتها وصلت لرجال الجزائر

ضغط في كل الانحاء على لاعبي منتخبنا اللي لسة هيييييييييه فرحانين
بالشوط الاول ..

وهنبدأ ومع نسيان لاعبي حسنى وشوقي الدفاع وضغط اطراف الجزائر على منتخبنا

بدأت الكارثة ..هب اول جون ..لعيب راجل غيور على منتخبه..الباك اليمين بتاع الجزائر

خد الكورة من عند الاوت وقال لما نتعمق شوية محدش سأل فيه شوقي راح مع الراجل
-ضحك عليه- داخل المنطقة

وتريكة بيتفرج واوكا بيشاور عقله وجمعة قرر يناوش لكن الراجل بتاع الجزائر اصلا

تعب من كتر المشي بالكورة وقال اووووووف لما اخلص منها والحضرى واقف شايف كل

حاجة هوووب لقينا الكورة في الجول..

كمان دقيقتين وهوووب التاني وشرحه لوحده ربع ساعة ..
كورة مرفوعة داخل الست ياردات المفروض بيطلع الحضرى وبيخلصنا...
ولكن دفاع مصرواي رجاااالة جمعة واوكا وابو قصة جنان فتح الله تحس انهم ورق
والحضرى لى عنده سؤال؟؟ بفرض انك منتظر الكرة وقررت انك هتصد وهتقف مكانك

انت كنت هتلحق تصدها؟؟؟؟والمسافة كلها 20 سم..

وبعدين كنت رايح يمين ليه؟؟طب لاعبيتنا اساسا رجالة وسابوا الكورة ..

لاعب الجزائر اكيد عادي ..وهيحطها في الزاوية اللي قدامه ..الشمال عندك...

المهم كل الكوارث السابقة ولسة لاعبيتنا الرجاااااالة نايمين في العسل..
ومعاهم معلم كبير ..بيتفرج حلو قوى..

ولاهجوم ..ولادفاع..ولاعبي الجزائر الرجالة بجد انهوا اللقاء بالهدف الثالث

واستمرارا لمسلسل التهريج واللامبالاة وعدم المسئولية ..و......... انتوا عارفين..

هانى سعيد بيزيد وعدم تمركز لخط الدفاع وبقت سايبة..هوووب الثالث..

لاعب معاه الكرة والدفاع بيجرى ورااااااه!!!!

وينظر ناحية اليمين مرتين ان حد يعبروا من مهاجمي الجزائر ..مفيش حد..

قال اديها شوط وبالفعل ..الثالث..

ساعتها فقط شحاتة قال الاول ..ماشي

الثاني..ماشي

لكن كله الا الثالث!!!!!!!!!!!

ساعتها اخرج رجالة الهجوم زكي وزيزو باشا ...
ونزل اتنين بس رجالة بجد من الدورى المحلى بتاعنا..

ولكن خلاص ..انتهت المهزلة ..

وربنا حب يعوض ويكافئ تريكة على اصراراه وبالرغم من سوء حظه بس رجعت

واحرز هدف الشرف...

ملاحظة: ساعتها فقط شعرت ان فعلا لازم نلعب باصرار وتحدي عشان كدة تريكة ربنا

كافئوا زى رجالة الجزائر..

على فكرة انا اهلاوي بس في عز ماكنت فرحان بالدوري والله كنت مرعوب من طريق

المونديال احنا احسن ناس تقطع في بعضها ومافرحتش كتير لاني والله شايف ناس

كل همها ام بتاع خشب مدور اسمه دورى يافرحتى..

ياريت كان اتحاد الكرة خلى اللقب مناصفة بين الاهلى والاسماعيلى والله ساعتها كنت

افرح اكتر وكان الاهلاوي هنأ الاسمعيلاوي وشكرا..على الاقل كنا استعدينا من غير

شتيمة ومشاكل بين الجماهير وكنا فكرنا في منتخبنا بدل من كل المشاكل الفرعية...

وكل كاس عالم وانتوا بخير..2014 ...

لا انا لسة برضه عندي امل وغيور على بلدي..وهفضل معاهم لاخر الطريق

وبأذن الله نهنى نفسنا هنا بعد اخر مباراة في التصفيات بالصعود..

مصرى محروق دمه